Trump yakangishije kurasa inshuti y'Amerika, Oman, niba 'yitambitse mu nzira' ku masezerano na Iran
Uburusiya bwaburiye Ubwongereza ku guha 'drones' Ukraine
Uburusiya bwashinje Ubwongereza “guhitamo ku bushake ko amakuba yo muri Ukraine yiyongera”, nyuma yuko byemejwe ko indege nto z’intambara zitajyamo umupilote (drone) zakorewe mu Bwongereza zakoreshejwe mu kugaba ibitero imbere mu Burusiya.
Mu itangazo ambasade y’Uburusiya mu Bwongereza yasohoye, yagize iti: “Mu kubigenza gutyo, Ubwongereza burimo gukora nk’umufatanyacyaha n’ufatanya gukora ibyaha bimena amaraso n’ibitero by’iterabwoba.”
Yagize iti: “Ibikorwa bya London bizateza ingaruka zidashobora kwirindwa kandi izazirengera.” Yongeyeho ko uko Ubwongereza burushaho kwijandika muri iyi ntambara, “ni ko ikiguzi buzishyura kizamuka cyane”.
Mu gusubiza, umuvugizi wa minisiteri y’ingabo y’Ubwongereza yabwiye BBC News ko Ubwongereza buhagararanye (bwifatanyije) “urutugu ku rutugu” na Ukraine.
Mu itangazo, uwo muvugizi yagize ati: “Uburusiya ntibukwiye gushidikanya ku kwiyemeza kw’iyi Leta kwo guhangana n’ubushotoranyi bw’Uburusiya, muri Ukraine no ku Bwongereza no ku nshuti zacu.”
Uwo muvugizi yongeyeho ko Ubwongereza “bwiyemeje guha Ukraine ibikoresho icyeneye mu kwirwanaho ku gitero kinyuranyije n’amategeko cya [Perezida w’Uburusiya Vladimir] Putin”.
Izo ‘drones’, zakozwe na kompanyi ebyiri zitandukanye zo mu Bwongereza, zakoreshejwe imbere mu Burusiya mu bitero byagabwe henshi kandi byageze ku ntego byibasiye inganda, zirimo n’izitunganya ibikomoka kuri peteroli hamwe n’inyubako zibikwamo ibicuruzwa bya kompanyi Wildberries ikora ubucuruzi bwo ku rubuga rwa murandasi, ifatwa nka Amazon y’Uburusiya.
Izindi nkuru wasoma:
How it works
Once you click Generate, Ollama reads this article and crafts 5 comprehension questions. Your answers are graded against the article content — general knowledge won't be enough. Score 70+ to count toward your certificate.
Questions are cached — you'll always get the same 5 for this article.